TRILIONI 1.4 KUJENGEWA CHUO KIKUU CHA MZUMBE

Kufuatia uchakavu wa miundombinu ya majengo ya Chuo kikuu cha Mzumbe ambayo yalijengwa tangu mwaka 1953 kutokidhi viwango vya chuo hicho kwa sasa wanafunzi waliosoma chuoni hapo wakiwemo wadau wa elimu wamechukua hatua yakukihamisha na kujenga majengo ya kisasa yatakayo gharimu shilingi trilioni 1.4 na kukamilika ifikapo mwaka 2025.

 

Akizungumza na waandishi wa habari chuoni hapo Naibu Makamu Mkuu wa chuo hicho taaluma Josephat Itika amesema umoja wa wanafunzi waliosoma katika chuo hicho (Alumni) wakiwemo wadau wa elimu wameitisha kongamano la uchangishaji pesa ilikujenga majengo ya kisasa yanayo endana na hadhi ya chuo hicho .

 

Makamu Mkuu wa Chuo hicho Prof.Lughano Kusiluka amesema lengo la kongamano hilo la uchangiaji nikutaka kumwekea mazingira mazuri mtoto wa kike ambapo wameeleza mikakati ya kufanikisha ujenzi huo.

 

Makamu wa Rais wa Jamhuri ya muungano wa Tanzania Samia Suluhu Hassan anatarajiwa kuwa mgeni rasmi katika uzinduzi wa ujenzi wa bweni la wasichana Juni 17 mwaka huu litakalo gharimu shilingi Bilioni 4.5 ambalo linatarajiwa kuingia zaidi ya wanafunzi mia tisa.

OBAMA AMSHTUMU TRUMP KUHUSU KUWAZUIA WAISLAMU KUINGIA MAREKANI...

Rais wa Marekani, Barack Obama, ameshtumu vikali matamshi ya mgombea urais kwa tiketi ya chama cha Republican, Donald Trump, kwamba waislamu wasiruhusiwe kuingia Marekani. Obama amesema hiyo 'si marekani wanayohitaji.'

''Kuwabagua Waislamu wa Marekani kutasababisha nchi hiyo kukosa usalama,na kuongeza tofauti iliopo kati ya nchi za magharibi na zile za kislamu'', Obama alisema

Siku ya Jumatatu bwana Trump, aliongezea kuhusu mpango wa kupiga marufuku nchi zote ambazo zina historia ya kutekeleza mashambulizi dhidi ya Marekani.

Alisema shambulio la ufyatuliaji risasi la Orlando linathibitisha yote.

Watu 49 waliuawa, baada ya Omar Mateen raia wa Marekani ambaye wazazi wake ni raia wa Afghan kufyatua risasi katika kilabu ya wapenzi wa jinsia moja huko Orlando.

Bwana Trump amesema pendekezo lake litatekelezwa kupitia (uamuzi wa pamoja ) iwapo rais atapewa mamlaka ya kupiga marufuku uingizaji wa watu wenye daraja lolote katika nchi hiyo jambo ambalo rais ataliona kuleta madhara ya kiusalama kwa Marekani.

Trump

Lakini siku ya Jumanne katika wizara ya fedha mjini Washington,Obama aliyekuwa amekasirishwa na matamshi hayo ya Trump alimshambulia mgombea huyo anayetarajiwa kuthibitishwa kuwa mteuzi wa urais wa chama cha Republican mwezi ujao.

PANYA KUTUMIWA KWENYE MAANDAMANO KENYA

Waandamanaji wanapanga kutumia panya 200 katika maandamano katika mji wa Nyeri mkoa wa kati nchini Kenya kulingana na gazeti la the Star nchini humo.

Gazeti hilo limemnukuu mshirikishi wa maandamano hayo John Wamagata akisema ''tutaleta panya 200 na kuwatembeza katikati ya mji''.

Gazeti hilo linaongezea kwamba maandamano hayo yanayopangwa kufanyika wiki ijayo yanapinga mapendekezo ya bunge la kaunti hiyo kutumia shilingi milioni 75 kujenga klabu ya kuimarisha afya.

Klabu hiyo itakuwa na eneo la kunyosha misuli,eneo la kuoga kwa kutumia mvuke,eneo la masaji,kidimbwi cha kuogelea na sauna kulingana na gazeti la the star.

MIKUTANO NA MAANDAMANO NI MARUFUKU TANZANIA

Polisi nchini Tanzania wamepiga marufuku maandamano na mikutano ya hadhara kuanzia Jumanne wiki hii hadi hali ya usalama itakapotulia

Katika taarifa iliotumwa katika vyombo vya habari walinda usalama hao wamewataka wanasiasa kuacha mara moja kuwashinikiza wananchi kutotii sheria za nchi.
Taarifa hiyo imesema kuwa polisi hawatasita kumchukulia hatua kali za kisheria mtu yeyote au chama chochote cha siasa kitakachokaidi agizo hilo.
Aidha maafisa hao wamewataka wananchi kuwa makini na wanasiasa wenye lengo la kutaka kuvuruga amani ya nchi na badala yake kuwasihi waendelee kushirikiana katika kujenga Umoja wa taifa la Tanzania.
Polisi nchini Tanzania imeripoti kupokea taarifa kutoka kwa baadhi ya vyama vya kisiasa vikitaka kufanya mikutano na maandamano .
Hata hivyo, maafisa hao kupitia vyanzo vyao mbalimbali vya habari wamebaini kuwa mikutano hiyo ina lengo la kuwahamasisha wananchi kutotii sheria za nchi

KESI YA ALIEMTUKANA RAISI MAGUFULI YAHAIRISHWA LEO

Kesi inayomkabili Isaac Abakuk ambaye anatuhumiwa kumtukana Rais John Magufuli kwenye ukurasa wake wa facebook June 08 2016 imeshindwa kuendelea kutokana na upande wa Jamhuri kutokamilisha ushahidi na kuiomba Mahakama kuahirisha shauri hilo hadi kesho June 08 2016.

Hakimu anayesikiliza kesi hiyo Augustine Rwezire wa Mahakama ya Hakimu Mkazi Arusha amekubali ombi hilo na kuahirisha kesi hiyo ambapo inatarajiwa kuanza kusikilizwa mfululizo, mshtakiwa anaendelea kuwa nje kwa dhamana kusubiri kesi yake itakapotajwa.

Habari Zilizopo Katika Magazeti ya Leo Jumatatu ya June 6

MAJIBU KUTOKA SOBA HOUSE KUHUSU KUTOROKA KWA CHID BENZI.....

 March 22, 2016 meneja wa Diamond Platnumz Babu Tale alimpeleka  msanii wa muziki wa Hip Hop kutoka Ilala, Rashid Makwilo aka Chid Benz  Sober House iliyopo Bagamoyo iitwayo Life and Hope Rehabilitation Centre kwaajili ya kupata matibabu ya kuacha kutumia madawa kulevywa na kurudi kwenye hali yake ya mwanzo.
Headline za kutoroka kwa msanii huyo kwenye nyumba hiyo ya kuhudumia waathirika wa dawa za kulevya zilianza baada ya watu kumuona msanii huyo akiwa mtaani June 5 2016 Mkuu wa Kituu hicho cha Sober House ameelezea ukweli wa msanii Chid Benz kwenye kituo hicho.

Mkuu wakituo hicho cha kusaidia watu walioathirika na matumi ya dawa za kulevywa Al-Kareem Bhanji amekanusha taarifa hizo na kusema kuwa Chid Benz ameruhusiwaa kutoka baada ya afya yake kuimalika. ukweli ni kwamba chid benzi hakutoloka kituoni alitoka kwa kufuata taratibu zote na baraka za uongozi baada ya kuoekana yupo sawa kwa mant’iki hiyo naomba vyombo vya habari mpuuze taarifa za kuwa alitoroka kituoni’>>>Al-Kareem Bhanji .
Kuhusu Babu tale kumtelekeza Chid Benz kituoni taarifa hizo siza kweli kwani babutale ndio aliyemfuata chid kituoni siku ameruhusiwa na alikuwa anatoa ushurikiano wakati wowote pale atakama ni usiku manane.